jueves, 23 de junio de 2011

LOIS PEREIRO: GALICIA DATA EDIT

Este video é resultado da colaboración entre tres centros irmáns. Para ningún dos tres centros (o noso, o CEP Santa Tegra e o IES da Guía)rematou aínda o ano Lois Pereiro no 17 de Maio e aquí tedes o resultado, un traballo que tardou pero que foi feito con moito agarimo por toda a comunidade escolar dende alumnos ata profesores como Francisco Godón Davila.

martes, 14 de junio de 2011

PAXARIÑA DE PAPEL

Increibel, indescriptiblel, estupendo, magnífico....xa non damos topado adxectivos nin palabras de outra categoría para narrarvos os niveis de excelencia ao que están chegando os nosos pequenos Contacontos. Non sabiamos o que faciamos cando escomenzamos con esta actividade, creamos monstros escénicos que ainda por riba van de prima donnas, e agora quen os frena?
Desta vez tocoulle o turno a Pedro que se enfrentou el soliño as clases de 3 e 4 anos, o resumo...PAN COMIDO!, e que lle facían mais caso que a nos (e era a última hora).
Manda Truco!

sábado, 4 de junio de 2011

O MEU GATO SEGUE SENDO UN POETA

Se botándolle só unha ollada por riba este libro nos pareceu unha auténtica xoia, despois de leelo reafirmámonos na nosa primeira apreciación. Quizabes non tódolos poemas do libro sexan adecuados para os nosos pequenos (o libro ven recomendado para nenos maiores de 8 anos) pero  amosan a mestres e alumnos ca poesía pode ser divertida e un libro pode ser un xoguete cheo de pequenas pezas chamadas palabras, letras ou incluso sons. Os xoguetes que este baúl conten van dende caligramas a poemas visuais, de xogos de palabras as novas tecnoloxías... e de paso como un craro antecedente do 15 M vai deixando recadiños aos políticos de turno que poderían solucionar a crise onde estamos.


CAMBIA O MUNDO
REIVINDICA QUE
@S POLÍTICOS
LEAN POESÍA

VALENTÍN PAZ ANDRADE: LETRAS GALEGAS 2012

Naceu o 23 de abril de 1898 en Pontevedra e morreu o 19 de abril de 1987 en Vigo. Estudiou Bacharelato en Pontevedra e posteriormente estudió Dereito en Santiago. Ao terminar os seus estudos dirixe o diario 'Galicia' no que tamén colaboran Castelao, Risco, Maside e Vilar Ponte. En 1924 Valentín é condenado a un mes de cárcere polo carácter dos seus artigos. En 1931 foi candidato a Diputado por Pontevedra nas Cortes Constituintes. Despois do alzamento militar contra a República é desterrado a Verín e a Serra de Queixa. Posteriormente é confinado en Villanueva de la Serena (Extremadura).
En 1942 empezou a dirixir a revista Industrias Pesqueras e en 1950 viaxou a Bos Aires invitado polo Centro Galego. En 1964 foi nomeado membro da Real Academia Galega co discurso titulado A Galeguidade na obra de Guimaraes Rosa. Despois da morte de Franco, formou parte da 'Comisión dos 10' da oposición democrática (con Cañellas, Felipe González, Tierno Galván, etc). En 1977 foi elexido Senador por Pontevedra, dentro da Candidatura Democrática Gallega.
Valentín Paz Andrade publicou numerosos artigos periodísticos. Como xurista amosou a súa preocupación pola realidade socio-económica de Galicia en obras como Pranto matricial, Galicia como tarea, Sementeira do vento, La marginación de Galicia, El capital como factor del desarrollo de Galicia, El sistema económico de la pesca en Galicia, Producción e fluctuación de las pesquerías, Los derechos sobre el espacio marítimo. A súa personalidade polifacética levouno tamén a publicar algunhas obras de poesía como Pranto matricial (1954), Sementeira do vento (1968), Cen chaves na sombra (1979) e ensaios como La Anunciación de Valle Inclán (1967), Transferencias etnológicas de Galicia en el Brasil Ulterior (1976), e A galecidade na obra de Guimaraes Rosa (1978). Paz Andrade amosa tamén a súa preocupación política en obras coma O modelo federal para a constitución do Estado galego e Testimuñas e prespectivas de homenaxe ao Seminario de Estudos Galegos (1978). Ademáis publicóu a biografía máis importante que existe sobre Castelao titulada Castelao na luz e na sombra (1982).

Cando ti volvas...
NA MATRICIAL GALIZA, SEMPRE TÚA,
que dende a Torre de Hércules ao Miño
un facho acenderá por cada illa,
cando ti volvas polo mare;
de toxo unha fogueira en cada monte;
cando ti volvas polo mare;
dos castros na coroa unha cachela,
cando ti volvas polo mare;
unha loura candea en cada pino,
cando ti volvas polo mare;
o seu cirio de frouma os alciprestes,
cando ti volvas polo mare;
luces de ardora branca en cada mastro,
cando ti volvas polo mare;
un farol mariñeiro en cada dorna,
cando ti volvas polo mare;
veliñas á xanela en cada casa,
cando ti volvas polo mare;
e as pérolas das bágoas derramadas,
cando ti chegues polo mare;
cando ti chegues polo mare...
Related Posts Plugin for WordPress, Blogger...