Este curso 2012-2013, sólo dúas escolas de infantil entraron a formar parte do PLAMBE (Plan de mellora de bibliotecas escolares). Unha foi a nosa e outra a EEI As Dunas de Panxón. Nesta escola, o pasado ano, non tiñan biblioteca e viñeron ver a nosa para coller ideas. Este ano, profes, pequenos e familias estiveron traballando moito para construír a súa biblioteca e o día 23 de abril, por fin puideron inaugurala.
Alí estivemos Libriño e máis eu, a profe Elena, porque nos invitaron e foi moi emocionante.
Tiveron unha chea de actividades e da man da Editorial Kalandraca, estivemos
gozando coa escritora Olalla González e o ilustrador de contos Marc Taeger, que
nos fixeron alucinar coa súa maneira de contar e debuxar contos. Canto nos
alegramos de que teñades a vosa biblio na escola!!!
NORABOA Profes polo voso estupendo traballo e GRACIÑAS por compartir con
nos un día tan especial.
Ningún comentario:
Publicar un comentario