Este ano, chega A TODA MÁQUINA! ao Pazo da Cultura e estará aquí do 2 ao 23 de marzo, para presentarnos ao ser humano como máquina, ás máquinas co seu movemento, aos escritores como máquinas de combinar palabras, á máquina do tempo, ás máquinas de música… convídanos pois a maquinar, a inventar, crear, investigar, soñar, experimentar, construir…proxectar as ideas e facelas realidade .
Por facer un pouco de historia…A primeira edición do
Salón do Libro Infantil e Xuvenil de Pontevedra celebrouse no ano 1999.
Respondía á iniciativa dun grupo de persoas que desexaban un punto de encontro
entre o mundo dos libros e o mundo dos
lectores e lectoras máis novos. A Concellaría de Cultura sintonizou co proxecto
e apoiouno con medios estruturais e económicos, pasando a se converter,
posteriormente, en entidade promotora.
Desde
aquela, xa levamos sete edicións nas que se medrou en todos os sentidos. Con
todo, o Salón segue a manter os seus sinais de identidade: o espírito aberto e participativo,
coa colaboración de numerosas institucións públicas e privadas, a dedicación
cada ano a un tema diferente, que sirva de núcleo aglutinador de ideas e
actividades, o protagonismo absoluto do libro en todas as súas facetas, e o seu
achegamento cálido, ameno e instrutivo ao lector.
Neste enlace podedes atopar todo o que queirades saber sobre o evento, as súas actividades, contacontos, datas, horarios e demáis:
http://www.salondolibro.org/