xoves, 30 de maio de 2013
xoves, 23 de maio de 2013
PRESENTACIÓN DE "ALBORADA" EN -LIBROS PARA SOÑAR-VIGO.
A plataforma editorial Bailarete vai presentar este venres, a partir
das 18:30 horas, en LIBROS PARA SOÑAR, un álbum infantil adicado á figura e á
obra de Rosalía de Castro.
“Alborada”, publicado na colección Alalá, combina os
versos da gran poeta galega cos contos e mais coa música, para favorecer que os
nenos e nenas se acheguen á poesía e aprendan a apreciala cando sexan maiores.
As historias desta sesión de
contacontos parten de diferentes poemas rosalianos aos que lles porán voz a
ilustradora do libro, Irene Silva, Fátima Granja, do Centro Cultural A Merced
de Chaín, e Rita Bugallo, filóloga e editora de Bailarete. Tamén participará o
gaiteiro Xaime Estévez, co acompañamento dos nenos e nenas do Centro Cultural A
Mercede na interpretación das cantigas.
“Alborada” é un libro
para ser recitado, contado e cantado; unha obra na que os poemas se transforman
en historias atractivas para o público infantil; unha proposta de lectura que
se plasma nun espectáculo lúdico e participativo.
“Miña santiña, miña santasa”,
“A festa Marica” e “Un repoludo gaiteiro” son as tres composicións arredor das
cales se artellará a sesión de contacontos, con diversas propostas de narración
a partir da utilización de monicreques, imaxes e músicas. Melodías como a
“Alborada de Rosalía”, coa que Xaime Estévez vaille dar a benvida ao público
desta sesión especial, no ano no que se cumpren os 150 anos da publicación de
“Cantares gallegos”.
Dende a súa publicación o
pasado mes de abril, esta é a terceira presentación da “Alborada” de Bailarete,
que xa se puxo en escena na Fundación Rosalía de Castro, en Padrón.
LIBROS PARA
SOÑAR: 986 43 37 68 | lps@kalandraka.com
mércores, 22 de maio de 2013
CONTOS CLÁSICOS SEN CONTO: OS TRES PORQUIÑOS.
Nesta ocasión estivemos escoitando e representando o conto
cunha soa marioneta e todos os personaxes e as súas pertenzas estaban nun mesmo
recurso onde os porquiños, a súa nai e o lobo aparecían e desaparecían como se
fose maxia.
“LA NAVE DE LUCAS” E OS IMPOSIBLES QUE SE FAN POSIBLES.
LA NAVE DE LUCAS é un conto da Editorial TAKATUKA, escrito e ilustrado por DAVID
GRANADOS NUIBÓ. Coa historia que presenta podemos ver que nesta vida todo é
posible, e que o que se desexa con moitas ganas, pódese conseguir. Iso foi o
que lle pasou a Lucas co seu desexo de ter unha nave. Os bolboretas estiveron
debuxando a nave ou o foguete que lles gustaría ter e tamén debuxáronse
vestidos de astronautas. O mellor algún día alguén ve os debuxos e viaxan a outro
planeta.
“LA VOCECITA” E O SEU SEGREDO.
Este conto da Editorial KOKINOS permitiunos pasar un bo rato e rirnos, pero
tamén nos ensinou que temos que ter coidado co que atopamos e non collelo sen
pensar que pode ter dono, ou ser o que non parece. O texto e as ilustracións que
son de Michaël Escoffier e Kris Di Giacomo, resultan claras e moi divertidas. Na aula dos
koalas encantounos o coello que parece un superheroe e quixemos debuxalo.
“A PEQUENA PINGA DE AUGA” UN CONTO PARA O ANO DA AUGA.
Nestes días estivemos coñecendo cousiñas sobre a vida das pingas de auga, grazas a esta historia dunha pinga pequeniña que non quería abandonar a súa nube. Despois fixemos unha marioneta da gotiña para levala á nosa casa, coidala e ensinarlle a nosa casa e como vivimos nos.
mércores, 15 de maio de 2013
OS LIBROS QUE ENSINAN COUSAS: “OS XOGUETES DE LIXO”
Para apoiar o traballo das aulas onde se desenvolve un proxecto sobre os xogos, nas sesións de animacións á lectura estivemos aprendendo e xogando co libro “Os xoguetes de lixo”, publicado pola Editorial A NOSA TERRA. Os nenos e nenas da clase de 5 anos estiveron aprendendo a facer xoguetes con materiais que tiñamos nas aulas e xogando con eles. Aquí tedes algún dos que fixemos.
Subscribirse a:
Publicacións (Atom)