SESIÓN DE CONTACONTOS EN LIBROS PARA SOÑAR!!

Os contos sobre a solidariedade, a convivencia e a cooperación ocuparán a sesión de contacontos de hoxe venres, a partir das 18:30 horas, en LIBROS PARA SOÑAR. A libraría infantil do Casco Vello vigués súmase así aos actos conmemorativos do Día Escolar pola Paz e a Non Violencia, que se celebrou o día 30 de xaneiro en recordo do pasamento de Mahatma Gandhi, hai 66 anos.

MÁIS ACTIVIDADES DA BIBLIO DE CHAPELA

Estimados lectores: Con motivo da celebración do Día da Ilustración, este xoves 30 de xaneiro, convidamos a rapaces e rapazas de todas as idades (de 3 a 99 anos) a achegarse á biblioteca para facer un debuxo de algún dos seus personaxes de conto preferidos. A actividade desenvolverase durante todo o horario da biblioteca: dende as 16:30 ata as 21:00 h. Os debuxos formarán parte dun mural, que expoñeremos na sala infantil durante todo o ano. Ademáis, os participantes na actividade, recibirán un cariñoso obsequio pola súa contribución 
Podedes ver máis en: http://bibliotecasredondela.blogspot.com.es/2014/01/dia-da-ilustracion-na-biblioteca-de.html

CONTINUAMOS A MERCAR RECURSOS COS FONDOS DO PLAMBE!!

PROXECTO "OS DINOSAURIOS": LIBRIÑO E A PROFE MARIOLA EMPRÉSTANNOS LIBROS PARA DESENVOLVER O NOSO PROXECTO.

A semana pasada fomos devolver os libros de coellos á a nosa biblioteca e contámoslle á profe Mariola e a Lirbiño cal é o noso novo proxecto. 

  
Hoxe os Coelliños de cores visitamos de novo a biblio para recoller os libros de Dinosaurios que atoparon a Profe Mariola e Libriño. Están cheos de sorpresas!!!

CONTACONTOS DE NADAL CO ANPA: MARC TAEGER E OLALLA GONZÁLEZ!!!

Dentro das actividades que organizou a ANPA para a festa de Nadal, tivemos unha sesión de contacontos co ilustrador de contos MARC TAEGER e a escritora infantil OLALLA GONZÁLEZ.

 

 Nela, mentres Olalla contaba as historias de "Garavanciño", os "Chivos chivóns" ou "Arthur", Marc debuxaba escenas chulísimas destes contos, que podedes ver nestas imaxes. 

Estade atentos porque a ANPA ten previsto sortear dúas destas ilustracións que fixo Marc... Moita sorte!!!

HÉCTOR TROUXO DE PORTUGAL UN CONTO EN PORTUGUÉS PARA LIBRIÑO!!!

O PROXECTO "PUNTILLAS E OS COELLOS" DESCUBRÍUNOS PEQUENOS CONTADORES DE HISTORIAS!!!