domingo, 27 de maio de 2012

Don Caballito de mar

Coa adaptación deste conto traballamos coas TICS e diferentes aspectos relacionados coa escenografía. Fixeron fotos, prepararon o decorado, colocaron os personaxes seguindo o modelo do álbum ilustrado, empregamos a gravadora de voz, etc. Tamén, co argumento do álbum, puideron comprobar que hai características que nos fan únicos e diferentes.

La Mariquita Gruñona

Nesta adaptación que fixemos do conto, seguindo o xogo da xoaniña rosmona, estivemos traballando a hora do reloxo, os tamaños e formas a través dos animais e as bosa maneiras para falar cos demais, porque ninguén e mellor que os demais.

La Oruga Glotona

Coa adaptación deste conto puidemos comprobar a maxia da metamorfoses da natureza. Xogamos cos días da semana, as froitas e cunha eiruga moi larpeira que proba todo o que atopa ata que desaparece no seu casulo e aparece coma unha fermosa bolboreta.Coa adaptación deste conto puidemos comprobar a maxia da metamorfoses da natureza. Xogamos cos días da semana, as froitas e cunha eiruga moi larpeira que proba todo o que atopa ata que desaparece no seu casulo e aparece coma unha fermosa bolboreta.


Obradoiro de marionetas con Eric Carle



Eric Carle é autor e ilustrador de libros infantís, naceu en Siracusa, Nueva York o 25 de xuño de 1929 e foi criado en Alemaña. Xa ilustrou máis de 60 libros, e ten vendido 88 millóns de copias e en diferentes idiomas. É aclamado e amado como o creador de libros de imaxes . O seu amor pola naturales e a súa sensibilidade resulta reconfortante. As súas ilustracións e historias son sempre innovadoras e resultan especialmente atraentes para grandes e sobre todo pequenos.
Gustalle crear coa técnica de collage sobre fondos brancos, utilizando papeis pintados a mano aos que fai cortes e pon capas para dar volume, e crear imaxes alegres e con moita luz. En moitos dos seus libros xoga coas páxinas con troquelados e superposicións como en “unha oruga moi larpeira” e “A xoaniña rosmona”. Noutras obras inclúe transparencias como en “Don Caballito de mar”, sons como en “O grilo silencioso”, etc. Sempre sorprende con orixinalidades que converten os seus albumes en libros para pensar, imaxinar e xogar, e imprimen un selo único ás súas obras. Nos escollemos os seus álbums para levar a cabo un Obradoiro de marionetas e este foi o resultado. Esperamos que vos guste.
Eric segue creando cada día e recibe centos de cartas dos seus admiradores, pequenos e grandes. Iso gústalle moitísimo. Por siso, nos imos mandarlle as nosas adaptacións dos seus contos.
Se queredes coñecelo un pouco mais, esta é a súa web oficial: http://www.eric-carle.com/

martes, 22 de maio de 2012

Xogamos coas Letras Galegas

Este ano cúmprese o 50 aniversario do DÍA DAS LETRAS GALEGAS, unha conmemoración iniciada en 1963 pola Real Academia Galega. Dende entón, ven homenaxeando a persoas importantes da nosa cultura dende Rosalía de Castro, que foi a primeira, ata Valentín Paz Andrade, o homenaxeado deste ano. Nós tamén queremos celebrar e a mellor maneira é xogando coa nosa lingua.

mércores, 9 de maio de 2012

MAURICE SENDAK e agora… “ONDE VAN OS MONSTROS”

Onte o mundo da literatura infantil e xuvenil, perdeu a un dos seus grandes MAURICE SENDAK. Foi coñecido por todos e todas, grazas ao seu álbum ilustrado “ONDE VIVEN OS MONSTROS”. Este converteuno nun dos escritores e ilustrador mais prestixioso do mundo enteiro, e con el recibiu unha chea de recoñecementos. Neste álbum, exploraba o complexo mundo das emocións dos pequenos, os seus medos e as fantasías coas que se enfrontan a eles para superalos.
Non foi un escritor infantil convencional, porque ensinou aos pequenos as dobreces da nosa mente, axudándolles a enfrontarse ao lado escuro e ás inquedanzas, dunha forma irónica, pero doce e sinxela. Así demostrou un enorme respecto polo mundo infantil, que o agradeceu e soubo acollelo con moito agarimo.
O longo de moitos anos,MAURICE SENDAK converteuse no rei de todos os educadores, contacontos, bibliotecarios, xente que vive e comparte a literatura infantil. Por iso, hoxe as mestres do noso cole, al igual cos monstros do seu libro, gritamos: por favor non te vaias – comerémoste - querémoste tanto!.

xoves, 3 de maio de 2012

APRENDO CON LIBRIÑO: "Historia do Día do libro"

A idea orixinal da celebración do Día do Libro, foi do escritor valenciano Vicente Clavel Andrés, que a propuxo á Cámara Oficial de Barcelona. Pouco despois, no ano 1930, instaurouse a data do 23 de Abril como Día Mundial do Libro. Nesta data, un 23 de abril, morreron os escritores Miguel de Cervantes e Willian Shakespeare. Por iso, foi escollida pola Conferencia Xeral da UNESCO, para renderlles homenaxe aos libros e aos seus autores. Pero tamén, para alentar aos pequenos e novos lectores a descubrir o pracer pola lectura e a respectar a contribución dos creadores destas xoias, que son os libros, a nosa vida e progreso socio-cultural.
Así mesmo, todos os anos a UNESCO designa unha cidade para que desempeñe a función de Capital Mundial del Libro, e faino conxuntamente coas tres organizacións profesionais internacionais do sector do libro e da edición:
  • A Unión Internacional de Editores (UIE).
  • A Federación Internacional de Libreiros (FIL).
  • E a Federación Internacional de Asociacións de Bibliotecarios e Bibliotecas (IFLA).
Esta función abrangue dúas celebracións: o Día Mundial do Libro e o Día do Dereito de Autor. Esta iniciativa pon de manifesto a estreita relación entre os principais organismos relacionados co libro, y tamén, o compromiso das cidades na promoción do fomento da lectura, da creatividade literaria e da difusión e promoción da mesma.
Este ano, e despois de Madrid no 2001, Alexandría no 2002, Nova Delhi no 2003, Amberes no 2004, Montreal no 2005, Turín no 2006, Bogotá no 2007, Ámsterdam no 2008, Beirut no 2009, Liubliana no 2010 e Bos Aires no 2011, tocoulle a Ereván, capital de Armenia.
Ereván é Capital Mundial do Libro 2012, pola calidade e variedade do seu programa que abrangue a toda a cadea de protagonistas que xiran ao redor dun libro, dende o seu inicio ata o seu goce. As diferentes propostas que se desenvolverán nesta cidade teñen como obxectivo a promoción e o fomento de libros e lecturas. Terán como especial obxectivo aos nenos e xóvenes, porque os libros son un tesouro de riquezas, axudan a crecer e inculcan o coñecemento dun xeito lúdico e sinxelo. O fin e acercarlles ao mundo literario como lectores, pero tamén como posibles futuros escritores, editores, ilustradores, bibliotecarios,contacontos, etc.


Contos do Medio

Hoxe, viñeron a contarnos un conto ben bonitiño moi relacionado co noso proxecto das flores. Mirade algunhas fotos!
Related Posts Plugin for WordPress, Blogger...