CO PLAMBE, ADIANTANSE OS REIS MAGOS…

Co PLAME (Plan de Mellora de Bibliotecas escolares) que nos concederon para este ano, adiántanse os Reis Magos. Unha das partidas do presuposto que se nos adxudicou, é para equipos informáticos, e por iso, mercamos estes iPads. Consideramos que é un recurso que nos vai permitir acceder a moitas ferramentas educativas de maneira divertida e traballar cunha chea de posibilidades nas bibliotecas de aula, na biblioteca de familias e na biblioteca da escola. A profe Marta, a nosa experta en TICS, está traballando neles para poñelos ao día. Tamén vai darnos un cursiño a todas a profes para sacarlles o máximo rendemento e poder seguir o ritmo dos nosos nenos e nenas, que xa nacen sendo uns expertos no seu manexo.