DÍA DO LIBRO 2026

Boas, familias!! Este ano pola celebración do Día do Libro propuxemos debuxar o noso libro favorito da nosa biblio "Ramón Trigo" .

Aquí tedes unha mostra das nosas creacións.

"Ler é soñar"

 

LECTURA E FAMILIAS

Onte tivemos na nosa escola unha nova sesión de "Lectura e familias" da man de Leonor de como pez en el agua. Nesta ocasión, e aproveitando o celebración do Día da Muller, fixemos un obradoiro creativo relacionado con esta celebración. Pinturas, discos de madeira e un 8M xigante e a crear.

Como vedes as familias estaban moi motivadas no proceso creativo. Grazas pola vosa participación e ata a vindeira sesión.

VISITA DE MONDRA

 Boas familias! O pasado martes 24 de febreiro tivemos a sorte de contar no noso centro da visita do artista de Mondra. Mondra é un artista galego que canta e baila na nosa lingua galega. A través da súa música recupera cancións das nosas avoas que cantaban nos nosos fogares e nas recolleitas. 

Os nenos e nenas da nosa escola desfrutaron dunha xornada primeiro de conocemento dos intrumentos musicais que se utilizan no canto tradicional e despois movemos o corpo a través dunha muñeira.

E como fin de festa unha firma de autógrafos con pandeiretas incluídas.

Ata a próxima!!! 

CATÁLOGO DA NOSA BIBLIOTECA

 

No seguinte enlace, podedes consultar o CATÁLOGO DE FONDOS da nosa Biblioteca, que continuamos actualizando. Dende ese espazo, podedes facer consultas de títulos en concreto que vos interesen, e ver os últimos títulos adquiridos e/ou catalogados.

Lembrade que podedes facernos tamén propostas de compra! 

ACCESO AO CATÁLOGO 

Día da Ilustración

Como cada ano celébrase o día da ilustración o 30 de xaneiro recordando o nacemento de Castelao.

 

Obradoiro de Robótica en familia

O pasado xoves 22 de xaneiro tivemos na escola un obradoiro de robótica en familia organizado polo noso centro coa colaboración de Enapas e o CFR de Vigo. O obradoiro foi impartido por Óscar Rojo cos robots de polos creativos da nosa escola. Como podedes ver foi todo un éxito de participación. 

                                                                     Grazas familias!

Inauguración da Biblioteca

Ola, familias! O pasado luns 10 de novembro abrimos a biblioteca para as familias do noso cole, todos os luns de 16:00 a 17:30 horas podedes acudir para estar na biblioteca e poder facer préstamo bibliotecario.

Como podedes ver a nosa biblio este curso é máis amplia; temos novos espazos , recursos e fondos que están esperando que veñades a visitar.

p

Esperamos as vosas visitas!!!

"Contos que cobran vida"

 Un novo conto contiño cobrou vida: "A CEBRA CAMILA"  

"Contos que cobran vida"

 O seguinte conto en saír a escena foi " CHIBOS, CHIBÓNS"

Nesta ocasión, despois de gozar da lectura do conto, buscamos elementos que nos servisen de atrezzo para as nosas escenas: construímos a ponte con pezas soltas, empregamos a herba do recanto dos minimundos, simulamos o río con imanix...

"Contos que cobran vida"

Tendo en conta que este curso as bibliotecas escolares saen a escena, iniciamos a secuencia "Contos que cobran vida"

O primeiro conto en saír a escena é "UN RICO PASTEL"