jueves, 19 de enero de 2017

MAURO, EZEQUIEL, NEIZAN E O CONTO DE..."LOS 3 CERDITOS".

Estes días tivemos diferentes versións deste famoso conto. Nelas os porquiños empregan cousas diferentes para facer as súas casas. E o lobo ás veces se disfraza e ás veces non. Despóis de moito falar, parece que o lobo non aprende a lección e volve para tentar comer aos porquiños, un día e outro día e outro día...

Comezamos coa sesión de contacontos de Ezequiel, que tamén trouxo o audio-conto e así poidemos escoitar de verdade a voz dos porquiños e do lobo, como sopraba e o ruído de como se destrozaban as casas!!!



Seguimos coa sesión de Neizan e o pequeno conto dos 3 porquiños. Neste conto pensamos que o lobo comera de verdade aos dous porquiños pequenos. Foi porque nunha páxina tiña a barriga moi gorda, pero pronto alguén dixo que era porque estaba chea de aire para soprar. Que susto!!! 
Nesta ocasión, ao final do conto, tivemos una agasallo de Neizan. Mirade que lapiceros con cabeciña de porquiño máis chulos fixo coa súa nai. Gústalle moito facer manualidades na casa e sempre pensa nos seus amigos e amigas do cole, que lle deron as gracias e unha chea de bicos e apertas.




E rematamos coa sesión de Mauro, que trouxo de axudante ao irmán de Pepa Pig. O seu conto estaba cheo de sorpresas e puidemos ver e tocas de verdade a palla, os paus, as pedras das casas dos porquiños. Tamén, a pel dos porquiños e a do lobo!!!


viernes, 13 de enero de 2017

O lúns 10 de Xaneiro, estivo a nai de MIA contandonos un conto os nenos de 3. Que ben o pasamos coas letras e os poemas. GRAZAS

 

lunes, 19 de diciembre de 2016

BRANDÁN EN PEQUENOSCONTACONTOS CON... ¡VOY A COMEDTE!

Qué ben o pasamos con Brandán, que nos contou este conto dun lobo que falaba moi mal porque tiña un pelo na súa lingua. E que sorte tuvo de atopar uns coelliños que o axudaron...
Brandán contounos esta historia tan simpática e logo estivemos xogando a falar como o lobo, a curar ao lobo coas pinzas como facían os coellos, e a moitas máis cousas que vimos que pasaban no conto. Foi un contacontos... Xenial!!! 





martes, 13 de diciembre de 2016

PEQUENOS CONTACONTOS CON MÍA E "O LIBRO DOS COELLOS".

Fai uns días, Mía trouxo ao cole un libro que fixeron ela e a súa nai. Un gran libro de coellos, onde descubrimos os reinos que temos no noso planeta, e que os coellos e coellas pertencen ao mundo animal igual que nos. Que tamén teñen familia e as lebres son as súas primas pero que corren máis rápido. Lembramos o que comen e moitísimas cousas máis... Estivemos moi moi atentos e foi unha conta historias XENIAL!!! 




miércoles, 7 de diciembre de 2016

CONTACONTOS EN FAMILIA COA FAMILIA DE MAURO!!!!

 A familia de Mauro visitounos para participar nos contacontos en familia, co conto "CANDO MARTIÑO TIVO GANAS DE MEXAR NA NOITE DE REIS".
Tivemos un contacontos principal de luxo, que foi o seu irmán Manuel e que ben o fixo!!! Pero tamén colaboraron con pequenas intervencións a nai Susi, o pai Manuel e o noso amigo Mauro. Estivemos moi atentos porque o conto falaba do que temos que facer a noite que van vir os reis, para que nos deixen os agasallos que lles imos pedir.



Tamén, gustounos moito a canción que cantaba Martiño, soñando co tren que tanto desexaba e lle trouxeron os reis: o tren de Martiño chu chu chu, vai polo camiño, chu chu, chu... e o carbón que trouxo Manu o irmán de Mauro.
Como nos portamos tan ben, tivemos un agasallo un selo dun peixiño. E como eles foron uns contacontos xeniais, tiveron unha chea de agasallos...unha chuvia de bicos e unhas pinturas de cores para compartir. Graciñas por colaborar.



lunes, 5 de diciembre de 2016

Un novo virus no Cole

Pois sí, o temos: a cousa comeza cando Comba fala dun libro ("Lume") e se lle convida a que o traia ao Cole e o conte ao seu grupo...e o fixo tan requeteben, que se lle volve a convidar: "quéres facer de contacontos coa aula dos maiores?"; e o fixo deixando coa boca aberta ás abelliñas! Ao tempo, na súa aula xurden máis voluntarios que xa están a preparar sesións (Artai quixo probar e xa está a argallar segunda sesión e con música!).
Tamén na aula de maiores! Aitana xa fixo doblete, xeeenial, con sesión na aula das raniñas e outra na dos coelliños...e nesta, Mauro quixo imitar tamén o asunto ao tempo que falaba dos seus coelliños. Un non parar!
Fixemos unha pequena reflexión tamén comparando o libro que trouxo Aitana có que ía ensinando a profe. Non son exactamente iguáis....un deles ten pictogramas e foi xenial o ben que entenderon a diferencia! En todas, procuramos falar de temas que teñan que ver coa natureza, reciclaxe,ecoloxía, animáis...e abrimos debate ao remate do conto.

jueves, 1 de diciembre de 2016

PEQUENOS CONTACONTOS CON EZEQUIEL E O CONTO DE... "LOS CONEJOS Y LOS CUADRADOS"

Ezequiel trouxo un conto cheo de coellos e cadrados moi chulo. Ensinounos todos os cadrados que eran de diferentes cores e tamaños.  Estaban agochados e tiñamos que adiviñar que eran: un vagon dun tren, unha ventana, etc. Foi un contacontos xenial!!!


E despois,  estivemos buscando onde tiñamos nos moitos cadrados, e xogamos un pouquiño con eles e coas demás figuras xeométricas.






lunes, 28 de noviembre de 2016

PEQUENOS CONTACONTOS CON DARÍO E O LOBO EN... "CARAPUCHIÑA VERMELLA"

Mirade que ven fixo de contacontos Darío. Trouxo un conto de cando era pequena a súa nai, onde aparece un lobo. Para que vexamos o feo que é, e entendamos por que Puntillas e os coellos lle teñen medo. Contounos xenial "Carapuchiña Vermella". Por iso, rematou recibindo unha chea de aplausos.


jueves, 17 de noviembre de 2016

PEQUENOS CONTACONTOS CON... MAURO E "MIFFY VISITA O ZOO"

Aquí tedes ao pequeno contacontos Mauro co seu conto "MIFFY VISITA O ZOO". A coelliña Miffy moi valente foi ao zoo e con Mauro ensinaronlle a Puntillas e a nos un montón de animais que non viven onde os coellos, nos bosques. 
Viven noutros lugares como o deserto ou a selva. Mauro ensinounos como son, moi bonitos e diferentes pero... un pouco perigosos. Contóuno xenial e démoslle unha chea de aplausos!!!!




Related Posts Plugin for WordPress, Blogger...