Canta,
paxariño canta
de poliña en ponla
que o sol se levanta
polo monte verde
polo verde monte
alegrando as herbas
alegrando as fontes!...
Esta estrofa do poema "Alborada", de Rosalía de Castro, deu pé a un traballo de investigación, no que as crianzas trouxeron á aula a imaxe dun paxariño, natural da nosa terra, bosques, rúas, xardíns, parques...
Así a aula encheuse de merlos, pombas, gaivotas, pegas, picapaus, paporroibos... . Falamos das súas característica para a continuación coa técnica da colaxe crear os nosos propios paxaros; con anacos de cartolina de diferentes cores e pegamento para unir.
Máis a diante pensamos construír unha ábore para estes paxariños con pasta de modelar branca e anacos de ramas e paus.
Con estes elementos podemos crear un teatro de sombras, que xa vos amosaremos !!
Ningún comentario:
Publicar un comentario